கொழும்பு நகரில் வசிக்கும் மக்களில் அதிகளவானவர்கள், சிங்களவர்கள் என்ற போதிலும் கொழும்பில் 24 சதவீதமான சிங்களவர்களே வசிப்பதாக வெளியான செய்திகளை மறுத்துள்ள இலங்கை புள்ளிவிபரத் திணைக்களம், 2012 ஆம் ஆண்டு மக்கள் தொகை கணக்கெடுப்பிற்கு அமைய கொழும்பில் 36. 8 வீதமான சிங்களவர்களும், 31.8 வீதமான தமிழர்களும் (இலங்கை மற்றும் இந்திய தமிழர்கள்), 29 வீதமான இலங்கை சோனகர்களும் வசித்து வருகின்றனர் என திணைக்களம் வெளியிட்டுள்ள அறிக்கையில் தெரிவித்துள்ளது.கொழும்பு நகரம், கொழும்பு மற்றும் திம்பிரிகஸ்யாய பிரதேச செயலாளர் பிரிவுகளை கொண்டதாகவும் இந்த நகரில் 24 வீதமான சிங்களவர்களும், 33 வீதமான தமிழர்களும், 40 வீதமான முஸ்லிம்களும் வசித்து வருவதாக முன்னர் தவறான செய்தி வெளியாகியாகவும் அது 1971 ஆம் மற்றும் 1981 ஆம் ஆண்டுகளின் மக்கள் தொகை கணக்கெடுப்புக்கு அமைவாக வெளியிடப்பட்ட தகவல் எனவும் 2012 ஆம் ஆண்டு மக்கள் தொகை கணக்கெடுப்பிற்கு அமைய சிங்களவர்களின் எண்ணிக்கை 36.8 வீதம் எனவும் திணைக்களம் தெரிவித்துள்ளது.
கருத்துகள் இல்லை:
கருத்துரையிடுக