அமைச்சர்களது மின்கட்டணத்தையும் அரசே செலுத்துகின்றது! கெஹலிய ரம்புக்வெல்லவின் மாத கட்டணம் 61 ஆயிரம்!!

இலங்கையின் ஊடக அமைச்சர் கெஹலிய ரம்புக்வெல்ல உள்ளிட்ட ஆளும் கட்சி அமைச்சர்கள் பலரின் உத்தியோகபூர்வ இல்லங்களுக்கான மின்சாரக்கட்டணத்தை அரசாங்கமே செலுத்தி வருகின்றது. ஊடக அமைச்சரின் ஜனவரி மாத மின் கட்டணம் 61ஆயிரம் ரூபா எனத் தெரிவிக்கப்படுகிறது. இந்தக் கட்டணம் அரசாங்கப் பணத்தில் செலுத்தப்பட்டுள்ளது. கடந்த டிசம்பர் மாத மின் கட்டணம் 51ஆயிரம் ரூபாவென எனக்கொழும்பு ஊடகமொன்று தெரிவித்துள்ளது.

அரசாங்க அமைச்சர்களின் ஒரு சிலரைத் தவிர ஏனைய அனைத்து அமைச்சர்களினதும் உத்தியோகபூர்வ இல்லங்களுக்கான மின்சாரக் கட்டணத்தை அரசாங்கமே செலுத்துகின்றது. இவை பொதுமக்கள் பணத்திலிருந்து செலுத்தப்படுகின்றது.

முன்னாள் மின்வலு எரிசக்தி அமைச்சர் சம்பிக்க ரணவக்க உள்ளிட்ட சிலர் மட்டுமே தங்களது உத்தியோகபூர்வ இல்லங்களுக்கான மின் கட்டணங்களை தங்களது சொந்தப் பணத்தில் செலுத்தியுள்ளனர். மின்சாரக் கட்டணங்கள் மட்டுமன்றி நீர்க் கட்டணங்களும் பொது மக்கள் பணத்தில் செலுத்தப்படுவதாகக் குற்றம் சுமத்தப்பட்டுள்ளது.