கோச்சடையான் படத்தில் ரஜினியின் கெட்டப்பை காண ரசிகர்கள் ஆர்வமாக இருந்தனர். இதுவரை அப்படத்தின் ஸ்டில்கள் வெளியிடப்படாமல் இருந்தது. தற்போது முதல் தடவையாக ரஜினியின் மகளும் ´கோச்சடையான்´ படத்தின் டைரக்டருமான சவுந்தர்யா ஸ்டில்களை வெளியிட்டுள்ளார். இப்படத்தில் ரஜினி, தந்தை-மகன் என இரு வேடங்களில் நடிக்கிறார். அவ்விரு கெட்டப் ஸ்டில்லையும் சவுந்தர்யா வெளியிட்டுள்ளார். ரஜினியின் இரட்டை வேடம் குறித்து சவுந்தர்யா கூறும் போது, ´´படத்தில் தந்தையாக வரும் ரஜினிதான் ´கோச்சடையான்´. நாட்டின் படைத்தளபதியாக வருகிறார். பரதம் ஆடவும் தெரியும். மகன் ரஜினியாக வருபவர் பெயர் பாணா. தந்தையை காட்டிலும் நூறு மடங்கு வேகம் உள்ளவர். எப்போதும் பரபரவென இருப்பார்´´ என்றார். மகன் ரஜினி ஜோடியாக தீபிகா படுகோனே வருகிறார். தந்தை ரஜினி ஜோடியாக ஷோபனா நடிக்கிறார். ரூ.100 கோடிக்கு மேல் செலவிட்டு இப்படத்தை எடுத்துள்ளனர். டப்பிங், ரீ-ரிக்கார்டிங் பணிகள் மும்முரமாக நடந்து வருகின்றன.
கருத்துகள் இல்லை:
கருத்துரையிடுக